Հարավային Կորեայում 46 օր տևած տեղատարափ անձրեւների հետևանքով առնվազն 21 մարդ մահացել է: Ինչպես տեղեկացնում է «Reuters» գործակալությանը, Կորեայի ներքին գործերի և անվտանգության նախարարության տվյալներով՝ անձրևների պատճառով ավելի քան 3000 մարդ է տարհանվել:
Հարավային Չոլլայի նահանգի ներկայացուցչի խոսքով՝ Սոմջին գետի մոտ 100 մետր ամբարտակը փլուզվել է և հեղեղել ամբողջ տարածքը: Երկրի անտառային տնտեսության գործակալությունը սողանքների մասին նախազգուշացումների մակարդակը բարձրացրել է մինչև ամենաբարձր աստիճանի բոլոր շրջաններում, բացի Ջեջու առողջարանային կղզուց:
