Thursday, 28 03 2024
Ուղիղ. այսօր Ավագ Հինգշաբթի է. ոտնլվայի արարողություն և խավարման կարգ Անթիլիայում
18:50
Ռուսաստանը պատրաստվում է նոր մեծ հակահարձակման
«Կովկասի գերուհու» տնօրենը 11մլն․ դրամ է հափշտակել
Համոզված եմ մենք կունենանք սերունդ, որը կապրի ԵՄ անդամ Հայաստանում. Էդգար Առաքելյան
Ավագ հինգշաբթին Մայր Աթոռ Սուրբ Էջմիածնում
18:40
ԵՄ-ը մինչև ապրիլ կներկայացնի Ուկրաինային սպառազինությունների մատակարարման պլանը
Իսրայելը ՀԱՄԱՍ-ի 200 զինյալ է լիկվիդացրել Աշ-Շիֆա հիվանդանոցում
«Աշխարհին նոր բազմակողմանի առևտրային համակարգ է անհրաժեշտ». Տոկաև
Գազայում սովը կարող է դիտվել որպես պատերազմի հանցագործություն. ՄԱԿ-ի Մարդու իրավունքների գերագույն հանձնակատար
18:10
«Գերմանիայի հատուկ ծառայությունները չեն իմացել Մերձմոսկվայում նախապատրաստվող ահաբեկչության մասին». Շոլց
18:09
ԱՄՆ-ն 228 մլն դոլար է հատկացրել Բալթյան երկրներին 2024 թ. պաշտպանության համար
Հայկ Մարությանն առաջիկայում կուսակցություն կհիմնի
Ղրղզստանի մայրաքաղաքում ավազամրրիկից շենքեր և ավտոմեքենաներ են վնասվել
18:06
Ֆրանսիայում դադարեցվել է գնացքների երթևեկությունը «Նելսոն» փոթորկի պատճառով
«Սիրիայում, Լիբիայում, Ղարաբաղում կամ այլ տեղ բախվում էինք գլոբալ դաշինքի հակազդեցությանը». Էրդողան
Լրատվական-վերլուծական երեկոյան թողարկում
Վանաձորում հղի կնոջ մահվան համար մեղադրանք է առաջադրվել 3 բժշկի
18:01
Նվիրված ու պրոֆեսիոնալ թիմ, ճկուն աշխատելաոճ և գործունեության թափանցիկություն. սա է Հայէկոնոմբանկի հաջողության բանաձևը. Արտակ Առաքելյան
Ալի Նաղիեւը ԵՄ դիտորդական առաքելությունը համարում է «ահաբեկչական»
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը
17:50
Քլինթոնը լոբբինգ է արել Կրասիկովի հետ Նավալնիի փոխանակման համար
Վրաստանի լեռնադահուկային հանգստավայրում ձնահյուսի պատճառով կա անհետ կորած
17:30
Սեուլում ավտոբուսների վարորդները գործադուլ են հայտարարել
17:20
Բուլղարիայում տեղի կունենան արտահերթ խորհրդարանական ընտրություններ
Եվրանեսթում մենք կողմ ենք քվեարկել մեր ընդդիմադիրների առաջարկին, իրենք մերին`ոչ.շատ բան չփոխվեց
Բաքվի վարքագիծն անընդունելի է. Բաքոյանը՝ ԼՂ-ի նախկին ղեկավարներից հարցազրույցներ վերցնելու մասին
Իսրայելը հայտնել է Լիբանանից հրթիռների արձակման մասին
17:00
Live. «Առաջին լրատվական» տեղեկատվական-վերլուծական կենտրոն
Վրաստանը մտադիր է երկու տարվա ընթացքում 3,7 մլրդ լարի ծախսել կլիմայի փոփոխության դեմ պայքարի համար
ԵԱՏՄ-ից դուրս գալու հարց Հայաստանը չի քննարկում. ՔՊ պատգամավոր

Ռուս-վրացական հնգօրյա պատերազմը դաս էր հարևան երկրների, այդ թվում մեզ՝ Հայաստանի համար. Արման Բաբաջանյան

ԱԺ պատգամավոր Արման Բաբաջանյանը ֆեյսբուքյան իր էջում գրել է․

12 տարի առաջ այս օրը՝ 2008 թվականի օգոստոսի 7-ին, մեկնարկեց ռուս-վրացական պատերազմը, որը տևեց ուղիղ հինգ օր և ավարտվեց օգոստոսի 12-ին։ Կարճատև այդ պատերազմը շրջադարձային նշանակություն ունեցավ մեր տարածաշրջանի համար. ռեգիոնը ըստ էության վերադասավորվեց ինչպես աշխարհագրական, այնպես էլ աշխարհաքաղաքական առումով։

Հնգօրյա այդ պատերազմի ընթացքում, բացի արկերից ու նռնակներից, սակայն, պայթեցին նաև մի շարք քաղաքական և աշխարհաքաղաքական միֆեր ու ստերեոտիպեր։ Կարճատև պատերազմի ընթացքում ամբողջությամբ ի դերև եղան այն համոզումները, որ Ռուսաստանն իր շահերը պաշտպանելու համար տանկեր չի մտցնի այլ՝ ինքնիշխան երկրի տարածք։ Ռուսաստանն ապացուցեց ճիշտ հակառակը և ընդամենը հինգ օրվա ընթացքում իրեն բռնակցեց Աբխազիան ու Հարավային Օսիան՝ արմատապես փոխելով ուժերի տարածաշրջանային դասավորությունն ու հավասարակշռությունը։

Ռուս-վրացական հնգօրյա պատերազմը հօդս ցնդեցրեց նաև այն միֆերն ու պատրանքները, թե Արևմուտքը հանուն իր հարավկովկասյան դաշնակցի ուղղակի դիմակայության մեջ կմտնի Ռուսաստանի հետ։ Արևմուտքի աջակցությունը սահմանափակվեց սոսկ քաղաքական հայտարարություններով ու միջնորդական առաքելություն իրականացնելու պատրաստակամությամբ։ Վրաստանը մենակ մնաց իր խնդիրների ու կորցրած տարածքների՝ ըստ էության անդառնալի իրողության հետ։

Ռուս-վրացական պատերազմը, բացի դրա մասնակից կողմերից, դասեր էր պարունակում նաև հարևան երկրերի, այդ թվում մեզ՝ Հայաստանի համար։ Այդ պատերազմը ցույց տվեց, թե ինչ կորուստներ կարող են կրել հետխորհրդային երկրները աշխարհաքաղաքական կողմնորոշման փոփոխության համար։ Ռուս-վրացական պատերազմը սթափեցնող դաս էր մեզ համար առ այն, որ մենք որևէ պարագայում պատրաստ չենք ու չենք կարող վճարել այն գինը, որը վճարեց Վրաստանը Ռուսաստանին դիմակայելու ու աշխարհաքաղաքական ուղղվածությունը արմատապես փոխելու համար։

Արցախյան խնդիր ունեցող Հայաստանի համար այդ դասը առավել քան ուսուցողական էր ու կարևոր՝ հետագա հետևությունների ու դրանց հիման վրա արտաքին քաղաքականություն կառուցելու համար։ Ռուս-վրացական հնգօրյա պատերազմի ավելի լայն, գլոբալ համատեքստն այն էր, որ մենք, ըստ էության, գտնվում ենք դեռևս ԽՍՀՄ փլուզման ու ավելի մեծ տարածաշրջանային իրողությունների ձևավորման, նախկին իրականության վերափոխման ու վերակազմավորման փուլում։

Ռուս-վրացական պատերազմը առանձնահատուկ նշանակություն ուներ ու այդպիսով փորձաքար էր նաև Հայաստանի համար, քանի որ դրանում ներգրավված էին մի կողմից՝ մեր հարևան ու բարեկամ երկիրը, մյուս կողմից՝ ռազմավարական դաշնակից պետությունը։ 2008 թվականին մենք կարողացանք հաջողությամբ դիմակայել այդ փորձությանը և պահպանել պատշաճ չեզոքություն՝ հանդես գալով միայն ու բացառապես միջնորդի, խաղաղարարի դիրքերից, այլ պարագան, կողմերից որևէ մեկին թեկուզ աննշան պաշտպանությունը կործանարար հետևանքներ կարող էր ունենալ Հայաստանի համար։

Ամեն տարի օգոստոսի 7-ին, հիշելով ռուս-վրացական հնգօրյա պատերազմը, մենք նախ հարգանքի տուրք ենք մատուցում այդ ռազմական գործողությունների հետևանքով զոհված անմեղ քաղաքացիների հիշատակին, ապա նաև արձանագրում ենք, թե իրականում որքան փխրուն է առաջին հայացքից հարատև թվացող խաղաղությունն ու կայունությունը, և որքան ջանք է անհրաժեշտ այն պահպանելու համար։

https://www.facebook.com/babajanyana/photos/a.2309525339078180/3525335314163837/?type=3&theater

 

Բաժիններ
Ուղիղ
Լրահոս
Որոնում