Սահմանադրական դատարանի ձևավորման գործընթացի շուրջ «Առաջին լրատվական»-ը զրուցել է փաստաբան Տիգրան Եգորյանի հետ: Կառավարությունը, դատավորների ընդհանուր ժողովը և ՀՀ նախագաը ներկյացրել են ՍԴ իրենց թեկնածուներին, ինչը բազում քննարկումների տեղիք է տվել. փաստաբանական, իրավապաշտպան համայնքի ներկայացուցիչներ, նաև որոշ պատգամավորներ պնդում են, որ առաջադրված անձինք խոցելի են և չեն համապատասխանում այն տրամաբանությանը, նպատակներին և սկզբունքներին, որով լուծվեց ՍԴ-ում առկա ճգնաժամը:
Հատկապես քննադատվեց կառավարության ներկայացրած թեկնածու Վահրամ Ավետիսյանի առաջադրումը՝ հաշվի առնելով այն, որ նա Վճռաբեկ դատարանի քրեական պալատի նախագահ Դավիթ Ավետիսյանի որդին է: Անդրադառնալով այս դիտարկմանը՝ Տիգրան Եգորյանը նշեց, որ առաջադրված թեկնածուները չեն համապատասխանում Սահմանադրությամբ ամրագրված ստանդարտներին՝ դրանք են՝ բարձր բարոյական հատկանիշները և մասնագիտական որակաները: «Վահրամ Ավետիսյանի թեկնածության քննադատությունը՝ պայմանավորված Դավիթ Ավետիսյանի որդին լինելու հանագամանքով, անհիմն չէ, սա շատ լուրջ փաստարկ է. ՍԴ դատավոր դառնալու պահից սկսած՝ նրա համար ակտուալ հարց է դառնալու իր հոր մասնակցությամբ կամ անգործությամբ դրսևորված դիրքորոշումների, չիրականացված պարտավորությունների քննարկումը, և ինչպե՞ս է նա լուծելու իր ներքին բախումը՝ պայմանավորված իր երդման և իր հոր որդին լինելու փաստի հետ… Այստեղ կառաջանա բարոյական խզում. նա կա՛մ պիտի դատապարտի հոր գործողությունները, կա՛մ անցնի դրանք սրբագրելուն»:
Տիգրան Եգորյանն ընդգծեց, որ ՍԴ դատավորի թեկնածուների առաջադրման գործընթացը հիմք է նրանց մերժելու համար:
Մանրամասն՝ տեսանյութում:
