Լուրեր
Լիբանանահայության համար դրամահավաքը հեռահար նպատակ ունի. Հայկակ Արշամյան

Բեյրութում տեղի ունեցած պայթյունի հետևանքով վիրավորում ստացած հայերի թիվը շուրջ 300 է, մահացել է 11 հայ, ահռելի է նաև նյութական վնասը:

«Բեյրության պայթյունը խաթարեց մեր ծրագրերը, բայց, կարծում եմ, կշարունակենք նախորդ ծրագրերը, հատկապես Տավուշի համար դրամահավաքը կշարունակվի,- «Առաջին լրատվական»-ի հետ զրույցում այս մասին ասաց «Հայաստան» համահայկական հիմնադրամի գործադիր տնօրեն Հայկակ Արշամյանը: Նրա խոսքով՝ Բեյրութում ստեղծվել է անտանելի իրավիճակ, հատկապես Բուրջ Համուդում պայթյունի հետևանքով մեր հայրենակիցների տներն այլևս չկան, բացի դրանից՝ դեղորայքի խնդիրն է բարդ, հազարավոր մարդիկ հիվանդանոցներում են. «Համայնքը համախմբվել է, ովքեր տուն չունեն, բոլորին տեղավորել են: Լիբանանում, համավարակով պայմանավորված, նաև շինանյութի խնդիր կա, և եթե այնտեղ անգամ գումարային օգնություն ստանան, այդ մարդիկ ներսում շինանյութ չեն կարող ձեռք բերել: Սա նույնպես խնդիր է վերականգնման առումով»:

«Ավելի քան 80 հազար դոլար գումար է հավաքվել լիբանանահայության համար… Պետք է մեկնենք Բեյրութ, տեղում ծանոթանալու կարիքներին, Լիբանանի հայության համար դրամահավաքը նաև հեռահար նպատակ ունի»,- նշեց Հայկակ Արշամյանը՝ հավելելով, որ Լիբանանում կան հայեր, որոնք արդեն  Հայաստան գալու ցանկություն են հայտնել…

«Լիբանանի հայության հայրենիք վերադառնալու դեպքում որոշակի ռազմավարություն ունենք, թե ինչ պետք է անել, երբ ճգնաժամային իրավիճակում հոծ հայություն է ուզում գալՀայաստան: Պետք է կարողանանք նեցուկ կանգնել և օգնել Հայաստան վերադարձողներին, և դրամահավքի հեռահար նպատակներից մեկն էլ դա է՝ ժամանակավոր բնակարաններով ապահովել, նպաստել ինտեգրմանը  և այլն»,- նշեց Հայկակ Արշամյանը:

Մանրամասն՝ տեսանյութում:

  • Դիտումներ՝ *