Համակարգը հոշոտել է հեղափոխականներին, գործադիրը «խզվել» է հանրությունից

Սահմանադրական դատարանի դատարանակազմության գործընթացը թևակոխել է հերթական փուլ՝ բոլոր սահմանադիր մարմինները՝ կառավարությունը, Դատավորների ընդհանուր ժողովն ու Հանրապետության նախագահը առաջադրել են իրենց թեկնածուներին։ Իրավապաշտպաններ, պատգամավորներ, փաստաբաններ ու, առհասարակ, դատարանների հետ գործ ունեցած անձինք պնդում են՝ այդ առաջադրումներով սահմանադիր երեք մարմիններն էլ հիմք են ստեղծել սահմանադրական ճգնաժամի ոչ թե հաղթահարման, այլ ավելի խորացման համար, քանի որ առաջադրված երեք թեկնածուներն էլ, մեղմ ասած, խոցելի են, վերապահելի ու չեն համապատասխանում Սահմանադրական դատարանի դատավորին ներկայացվող պահանջներին առնվազն այն տրամաբանությամբ, որը դրված էր սահմանադրական ճգնաժամի հաղթահարման ողջ գործընթացի հիմքում։ Թեմայի շուրջ «Առաջին լրատվական»-ը զրուցել է իրավապաշտպան Վարդան Հարությունյանի հետ: