Կոռուպցիայի կանխարգելման Հանձնաժողովն այսօր ստացել է ՍԴ դատավորի վերջին թեկնածուի բարեվարքության հարցաթերթիկը։ Հանձնաժողովն ուսումնասիրելու և քննելու շատ հարցեր ունի։ Այս մասին «Փաստինֆո»-ին տեղեկացրեց Կոռուպցիայի կանխարգելման հանձնաժողովի նախագահ Հայկուհի Հարությունյանը՝ նշելով, որ հանձնաժողովը եզրակացություն կներկայացնի օգոստոսի 20-ին։
Պաշտոնապես հայտարարվում է, որ բարձր դատարանում այս պահին դատավորի երեք թափուր տեղ կա և իրավասու մարմինները՝ ՀՀ նախագահը, կառավարությունն ու ԴԸԺ-ն (Դատավորների ընդհանուր ժողովը) ներկայացրել են իրենց թեկնածուներին։
Հիշեցնենք, որ նախագահի թեկնածուն Վաղարշյանն է, Կառավարությունը առաջադրել է Վահրամ Ավետիսյանին, Դատավորների ընդհանուր ժողովը՝ Վճռաբեկ դատարանի նախագահ Երվանդ Խունդկարյանին ։ Երեքին էլ պետք է ընտրի խորհրդարանը:
Ի դեպ, ՍԴ-ից «Փաստինֆո»-ի գրավոր հարցմանն ի պատասխան հայտնել էին, որ ՍԴ դատավորներ Ա.Գյուլումյանի, Ֆ.Թոխյանի եւ Հ.Նազարյանի լիազորությունները դադարեցնելու վերաբերյալ արձանագրություններ կազմված չեն, նրանց վարույթում գտնվող գործերը վերամակագրված չեն, ընդունում-հանձնում չի կատարվել, վերջնահաշվարկ չի վճարվել։