Խաբարովսկի երկրամասի նահանգապետի ժամանակավոր պաշտոնակատար Միխայիլ Դեգտյարևը հրամանագիր է ստորագրել շրջանի երկու թաղամասերում և նրա կենտրոնում կարանտինի մտցման մասին՝ մի շարք տնտեսություններում խոզերի աֆրիկյան տենդի բռնկման պատճառով, հայտնում է ՏԱՍՍ-ը՝ վկայակոչելով տարածաշրջանային կառավարության մամուլի ծառայությանը:
«Երկրամասի նահանգապետի ժամանակավոր պաշտոնակատար Միխայիլ Դեգտյարևը հրամաններ է ստորագրել Վյազեմսկիի և Խաբարովսկի շրջաններում, ինչպես նաև Խաբարովսկի տարածքում կարանտինի մտցման մասին՝ կապված աֆրիկյան ժանտախտի տարածման սպառնալիքների հետ:
Այս հիվանդության կենտրոնները հայտնաբերվել են չորս մասնավոր տնտեսություններում»,-ասել են կառավարությունում:
Սանիտարական ծառայությունները յուրաքանչյուր տնտեսության շուրջ հիմնել են երկու կարանտին գոտիներ՝ 5 և 30 կմ: Արգելվում է բոլորի մուտքը, բացառությամբ ֆերմերային տնտեսությունների աշխատողների: Արգելվել է նաև կենդանիների և նրանց մսի արտահանումը:
Խաբարովսկի շրջանի Բիչիխա գյուղում արտակարգ իրավիճակ է հայտարարվել:
Խոզերի աֆրիկյան տենդը վարակիչ հիվանդություն է, որը դրսևորվում է վարակվելուց երկու շաբաթ անց: Այն կարող է փոխանցվել կենդանական արտադրանքների, միջատների խայթոցների և մաշկի վերքերի միջոցով:
Նախկինում Երկրի վրա չեն արձանագրվել մարդու վարակման դեպքեր, սակայն գիտնականները կարծում են, որ վտանգավոր է բացառել այդ ռիսկը, քանի որ վիրուսը զարգանում է արագ և անկանխատեսելիորեն: