Tuesday, 19 03 2024
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր. «Հրապարակ»
Փաշինյանը պաշտոնա՞նկ կանի Շիրակի մարզպետին. «Ժողովուրդ»
Նիկոլ Փաշինյանն ապահովագրում է իրեն Ա եվ Բ պլանների համա՞ր
Հանրապետության նախագահն ընդունել է ֆրանսիացի մտավորականների
Պուտինը ՌԴ նախագահի թեկնածուներին առաջարկել է համատեղ աշխատել
Եթովպիայում ՀՀ դեսպանն իր հավատարմագրերն է հանձնել երկրի նախագահին
Հայաստանի և Մալթայի ԱԳ նախարարությունների միջև անցկացվել են առաջին քաղաքական խորհրդակցությունները
Վարչապետը տիկնոջ հետ ներկա է գտնվել «…և նորից Գարուն» ներկայացմանը
00:07
Բայդենը Նեթանյահուին հայտնել է Իսրայելի ռազմական ծրագրերի վերաբերյալ մտահոգությունների մասին
Էրդողանը շնորհավորել է Պուտինին
00:03
ԱՄՆ-ն չի շնորհավորի Պուտինին ընտրություններում հաղթանակի կապակցությամբ
Եղանակային պայմանները ՀՀ ավտոճանապարհներին
Արա Աբրահամյանի ներկայացուցիչը 20-ամյա երիտասարդի է ծեծի ենթարկել
Փաշինյանը փոխզիջման օրինակ է ծառայում․ 31 գյուղի հեկտարները կվերադարձվե՞ն
Մեր քաղաքականությունն է թույլ չտալ պատերազմ. Նիկոլ Փաշինյանը Ոսկեպարում էր
ՌԴ նախագահի ընտրության բուն ինտրիգը նոր է սկսվում
Երթուղայինի վարորդը և կանգառում սպասող կինը հարվածներ են հասցրել միմյանց
ՆԱՏՕ-ն նախապատվությունը տալիս է Բաքվի՞ն․ Ստոլտենբերգի «անհամաչափ» օրակարգը
«Վերընտրված» Պուտինը և հայկական պետականությունը անհամատեղելի են
Այս պատմական անողնաշարությունը չի ներվելու հենց պատմության կողմից
Քննարկել ենք ԼՂ-ից բռնի տեղահանումից հետո Հայաստանում և տարածաշրջանում ստեղծված անվտանգային մարտահրավերները. Նարեկ Մկրտչյան
Մի քանի լարի վրա չենք խաղում. իրավունք չունենք երկիրը բախտախնդրության տանելու

Զանգվածային ներգաղթից հիմա խոսելը ճիշտ չէ․ Այսօրվա հրամայականը Լիբանանի հայ համայնքի գոյության երաշխավորումն է

«Առաջին լրատվական»-ի զրուցակիցն է ՀՅԴ Լիբանանի կենտրոնական կոմիտեի անդամ Հակոբ Հավաթյանը:

 – Պարոն Հավաթյան, ինչ իրավիճակ է Լիբանանում, ի՞նչ նորություններ կան այս պահին, որքան զոհեր ու վիրավորներ կան հայերի շրջանում:

– Այս պահի դրությամբ խոսվում է 11 հայ զոհերի մասին, սակայն նրանցից մի քանիսի ճակատագիրը հստակ չէ: Վիրավորների մի մասն արդեն նախնական բուժում է ստացել և ապաքինվել է: Բայց ունենք նաև ծանր վնասվածքներ ստացած հայորդիներ:

– ԱՄՆ նախագահ Դոնալդ Թրամփն է կասկածի տակ դրել Բեյրութում տեղի ունեցածը, որը տեղի ունեցածն ավելի շատ ահաբեկչություն է բնորոշում: Այդտեղ այդ վարկածը քննարկվո՞ւմ է, թե՞ ավելի շատ անփութության տարբերակն է սեղանին դրված:

– Երեկ Լիբանանի կառավարությունը արտակարգ նիստ գումարեց և պահանջեց պատկան հետախուզական մարմիններից հետաքննությունն արագացնել և շատ կարճ ժամանակում եզրակացությունները երևան հանել: Հետևաբար՝ մինչ օրս շրջանառության մեջ դրվող զանազան լուրերը մեկնաբանության սահմանների մեջ են, պետք է սպասել հետաքննության ամբողջացման և վերջնական եզրակացությանը: Կան տարատեսակ վարկածներ, որոնք քննարկվում են մամուլում, նաև տարածվում են սոցիալական ցանցերում: Նաև կան տեսանյութեր այդ վարկածների վերաբերյալ, բայց բոլորն էլ վավերականություն չեն ներկայացնում, անգամ որոշ առումով դրանք նպատակ ունեն ինչ-որ առումով փոխել լուրերի ուղղությունը: Մինչ այս պահը լուրջ, վերջնական եզրակացություն գոյություն չունի: Այս պրկված քաղաքական կացության մեջ մարդիկ պետք է փորձեն քաղաքական հաշվարկներով, իրենց ձեռնտու ձևով մեկնաբանություններ կատարել՝ լինի տեղական, շրջանային, թե միջազգային հարթակներում:

– Մենք տեսնում ենք, որ Հայաստանից աջակցություն է ուղարկվում Լիբանանի տուժած քաղաքացիներին: Որ չափով դա կարող է մեղմացնել իրավիճակը: Կա՞ն հայեր, որոնք այս պայթյունից հետո էլ ավելի են ցանկանում տեղափոխվել Հայաստան:

– Սա շատ կարևոր թեմա է, և ես ուզում եմ լայն բացել փակագծերը: Այս պահի դրությամբ Հայաստանի տարբեր լրատվամիջոցներ, առավել ևս սոցիալական ցանցերը այսօր զանգվածային ներգաղթի օրակարգից են խոսում, որը ճիշտ չէ: Խուճապային վիճակի մեջ գտնվող հայորդիների վրա դա լավ չի ազդում: Հայրենադարձությունը մեզ համար համազգային ռազմավարական խնդիր է, որը միայն Լիբանանին չի վերաբերվում, այլ բոլոր երկրների հայ համայնքներին, այդ թվում՝ նոր կազմավորված համայնքներին: Հայաստան-լիբանանահայության կապն արդեն առկա է, մարդիկ արդեն Հայաստանում բնակարաններ ունեն, որոշները ՀՀ-ում տնտեսություն են ստեղծել, և այդ իմաստով որևէ մեկը չի կարող կասկածի տակ դնել լիբանանահայության՝ Հայաստանի, Արցախի հետ ունեցած առնչությունները: Անցած 30 տարիներին Լիբանանի հայ համայնքը մեծ դերակատարություն է ունեցել արցախյան գոյապայքարում, Հայ դատի ընդհանուր աշխատանքների մեջ, համահայկական տեսլականների իրականացման մեջ, հայրենիքի տնտեսական և այլ ոլորտների զարգացման գործընթացներում: Լիբանանի համայնքը հայրենիքով ապրող համայնք է, այստեղ ամեն հայի սիրտ բաբախում է հայրենիքով: Սակայն այսօրվա առաջնահերթությունը, այսօրվա հրամայականը այս համայնքի գոյության շարունակականության երաշխավորումն է և նրա վերականգնումի աշխատանքը: Հետևաբար, այսօր Հայաստանի մամուլում և ընդհանրապես ամենուր հրամայականը համազգային զորակցության շեշտադրումը պետք է լինի և դրա գործնականացումը: Այսօր լիբանանահայությունը ո՛չ վերլուծությունների, ո՛չ խրատների, ո՛չ էլ այլ բանի կարիք ունի: Լիբանանահայությունն իր գործն է անում, որովհետև հավատում է, որ այս համայնքը տակավին մեծ դերակատարություն ունի հայ կյանքում առաջիկա հանգրվաններում: Դուք գիտեք, որ այս համայնքն ունի առաջնահերթություններ, այն մաս է կազմում Լիբանանի ընդհանուր քաղաքական կյանքին և, որպես այդպիսին, ունի իրավունքներ ու պարտականություններ: Այդ բոլորն ինքնանպատակ չէ, դա մեր ընդհանուր տեսլականների իրականացման համար է: Հետևաբար, այսօր հրամայականը համահայկական զորակցությունն է, որպեսզի լիբանանահայությունը պահի իր համահայկական դերակատարությունը:

– Արդեն կա՞ն մոտավոր հաշվարկներ, թե որքան վնաս է կրել հայ համայնքը այս սարսափելի պայթյունից:

– Պետական մարմինների կողմից արդեն սկսվել են գնահատման աշխատանքները: Դուք գիտեք, որ Լիբանանը նաև տնտեսական ճգնաժամի դիմագրավման փուլում է, հետևաբար՝ պետությունը դժվար թե կարողանա այդ վնասների փոխհատուցման գործում հիմնական դերակատար դառնալ: Այդուհանդերձ, կատարվում են այդ գնահատումները: Մենք վստահում ենք մեր միասնական ճիգին և համայն հայության ամբողջական զորակցությանը:

Լուսանկարը՝ Armeniasputnik-ի

Բաժիններ
Ուղիղ
Լրահոս
Որոնում