ԱՄՆ Սենատը միաձայն կողմ է քվեարկել օրենքի ընդունմանը, որով դաշնային պետական ծառայողներին արգելվում է գերատեսչական սարքավորումների վրա տեղադրել չինական TikTok հավելվածը։
Ավելի վաղ ԱՄՆ Պետդեպարտամենտի ղեկավար Մայք Պոմպեոն բազմիցս հայտարարել է, որ չինական բջջային հավելվածները լուրջ սպառնալիք են ներկայացնում ամերիկացիների անձնական տվյալների համար: Իր հերթին, նախագահ Դոնալդ Թրամփն ասել է, որ TikTok- ը ԱՄՆ տարածքում արգելափակվելու է սեպտեմբերի 15-ից, եթե այն ձեռք չբերվի ամերիկյան որևէ ընկերության կողմից:
