Լուրեր
Ջերմուկի քաղաքապետը և ոստիկանապետը խոստացան՝ մինչև վաղը կեսօր հարցը կլուծվի
  • 22:25
  • 2020-08-06
  • Դիտումներ՝ *

Վայոց Ձորի ոստիկանապետ Գևորգ Ազիզյանը, խոսքն ուղղելով Ամուլսարի պահապաններին և բողոքի ակցիայի մասնակիցներին, հիշեցրեց Ջերմուկի քաղաքապետի հավաստումներն այն մասին, որ վաղը կլուծվի վագոն-տնակների տեղափոխման հարցը և առաջարկեց ճանապարհը բացել, որպեսզի չխանգարեն քաղաքացիների ազատ տեղաշարժին:

Ջերմուկի քաղաքապետ Վարդան Հովհաննիսյանը ևս մեկ անգամ հավաստիացրեց, որ նամակ են գրել, «Լիդիան Արմենիա»-ն սխալվել է վագոն-տնակի տեղադրման հարցում, սխալ կետում են տեղադրել, ասել են, որ վաղը կգան և կուղղեն սխալը: Նա ևս խնդրեց բացել ճանապարհը:

Հիշեցնենք՝ արդեն երրրորդ օրն է Ամուլսարում անընդմեջ բողոքի ակցիա է իրականացվում՝ ընդդեմ Ամուլսարի հանքի շահագործման: Նախօրեին Ամուլսարի 2-րդ պահակակետում «Լիդիան Արմենիա»-ի պահնորդները տեղաշարժել ու տարածքից դուրս էին բերել Ամուլսարի պահապանների վագոն-տնակը, ինչն էլ բողոքի առիթի է դարձել:

Մանրամասն՝ տեսանյութում:

  • Դիտումներ՝ *