Լուրեր
Հրմշտոցի մեջ հնարավոր է ընկնեին գետնին, կան 6 բերման ենթարկվածներ․ Վայոց ձորի ոստիկանապետ
  • 22:02
  • 2020-08-05
  • Դիտումներ՝ *

Ամուլսարում ակցիա իրականացնող քաղաքացիներից 6-ը բերման են ենթարկվել: Այս մասին Ամուլսարում ընթացքող բողոքի ակցիայի ընթացքում լրագրողներին հայտնեց Վայոց Ձորի ոստիկանապետ Գևորգ Ազիզյանը:

Անդրադառնալով լրագրողի դիտարկմանը, թե քաղաքացիներին բերման ենթարկելու ընթացքում բռնի ուժ է կիրառվել, Ազիզյանը նշեց, որ երբ քաղաքացին չի ենթարկվում պահանջներին, նրա նկատմամբ կիրառվում է հարկադրանքի միջոց: Հարցին՝ արդարացվա՞ծ է հարկադրանքի միջոցը, Ազիզյանն արձագանքեց՝ նման իրավիճակում՝ այո:

Հարցին՝ Ոստիկանությունն ի՞նչ գործողություններ է անելու, Ազիզյանը պատասխանեց, թե հասարակական կարգն է պահելու, փորձելու է հանդարտեցնել իրավիճակը, հսկողություն է իրականացնելու, որ որևէ անօրինական արարք տեղի չունենա, հորդորելու է պահպանել պարետի որոշումները: Դիտարկմանը, թե ճանապարհը շարունակում է փակ մնալ, և հարցին՝ Ոստիկանությունը որևէ գործողություն իրականացնելու է, Ազիզյանը պատասխանեց. «Հաշվի առնելով իրավիճակը այս պահին՝ ընդամենը հետևելու ենք ու հորդորելու ենք քաղաքացիներին ճանապարհը բացել»:

Մանրամասն՝ տեսանյութում:

  • Դիտումներ՝ *