Լուրեր
Եղել է ստոր և մութ գործարք․ Ամուլսարը լիցքավորված ատրճանակ է իշխանության քունքին

Լիբանանի մայրաքաղաք Բեյրութի նավահանգստային գոտում տեղի ունեցած սարսափելի պայթյունը ցնցել է աշխարհը: Պայթյունին զոհ է գնացել ավելի քան հարյուր մարդ, այդ թվում՝ մեր վեց հայրենակից: Ահռելի մեծ է նյութական վնասը:

Թեմայի շուրջ «Առաջին լրատվական»-ի հետ քննարկմանը մասնակցեցին քաղաքագետ «Հանուն հանրապետության» նախաձեռնության անդամ Ռուբեն Մեհրաբյանը և քաղաքագետ Արմեն Հովհաննիսյանը:

Արմեն Հովհաննիսյանի խոսքով՝ առանց այն էլ կորոնավիրուսի համավարակով պայմանավորված՝ Լիբանանում բավականին սուր տնտեսական վիճակ էր, և Բեյրութում մի քանի հազար հայ ընտանիք գոյատևման եզրին էր՝ հազիվ կարողանում էին օրվա հացը հայթայթել, այս իրավիճակում այսպիսի հարվածը, բացի զոհերից ու նյութական կորուստներից, սարսափելի հետևանքներ կարող է ունենենալ նաև սոցիալ-տնտեսական առումով: Քաղաքագետի դիտարկմամբ՝ Մերձավոր Արևելքի հայերի ճակատագիրը վատ իմաստով կանխորոշված է: «Քրիստոնեկան Մերձավոր Արևելքը կործանվեց»,- նշեց Արմեն Հովհաննիսյանը՝ հավելելով, որ պետք է բացել Հայաստանի դռները Մերձավոր Արևելքի հայերի համար: Հայկական պետությունը չի կարող անմասն մնալ օգնության հարցում:

«Լիբանան պետությունը կաթվածահար է, այս պայթյունը իր մասշտաբներով հավասար է ճապոնական քաղաքների ռմբակոծությանը»,- նշեց Ռուբեն Մեհրաբյանը՝ հավելելով, որ գործ ունենք հումանիտար աղետի հետ, որին ենթարկվում է Լիբանանի հայ համայնքը, հայրենիքի պարտքն է դռները բացել նրանց առաջ. Հայաստանը դրախտ չէ, բայց ապահով տուն է հայերի համար:

Քաղաքագետներն անդադարձան նաև Ամուլսարի խնդրին: Ամուլսարից եկող տեղեկությունները վկայում են այն մասին, որ լարված իրավիճակը պահպանվում է, խնդիրը գոյություն ունի տևական ժամանակ, բայց հանգուցալուծումը չի երևում, ավելին՝ գնալով ավելի է բարդանում՝ քաղաքական շրջանակների մասնակցությամբ:

Արմեն Հովհաննիսյանի խոսքով՝  Ամուլսարի խնդիրը շատ լուրջ խնդիր է, բայց կառավարությունն այն թերագնահտում է.«Պետք է հաշվի առնել, որ 2018թ. Հայաստանում կարևոր փոփոխություններ են եղել և պետական կառավարական պահվածքի սցենարները պետք է փոխվեն: Պետք է հանրության հետ երկխոսություն լինի, հանրության կարծիքը հաշվի առնել:

Ռուբեն Մեհրաբյանն ընդգծեց, որ Ամուլսարը լիցքավորված ատրճանակ է՝ պահած իշխանության քունքին:

Մանրամասն՝ տեսանյութում:

  • Դիտումներ՝ *