Լուրեր
Սար մնացեք, պարոն վարչապետ, Ամուլսար մնացեք․ Նարինե Աբգարյան
  • 22:00
  • 2020-08-05
  • Դիտումներ՝ *

Կրկին սրվել է իրավիճակը Ամուլսարի շուրջ: Այս առիթով ռուսաստանաբնակ հայտնի հայ գրող Նարինե Աբգարյանը բաց նամակով դիմել է ՀՀ վարչապետ Նիկոլ Փաշինյանին՝ նշելով. «Դիմում եմ որպես Ձեզ սատարող մարդ. եւ Հայաստանի քաղաքացի՝ խիստ անհանգստացած Ամուլսարի շուրջ ծավալվող իրավիճակով։
Ամուլսարը սոսկ սար չէ, այն մեր հեղափոխության խորհրդանիշն է և հավատն առ այն, որ մեր հայրենիքն արժանի է լույս ապագայի։

Հարգելի՛ պարոն վարչապետ, մենք հեռու ենք և հնարավորություն չունենք շրջափակել ու պատսպարել մեզնով Ամուլսարը։ Մենք հեռու ենք, ներքին թշնամին՝ մոտիկ։
Ամուլսարը դու՛ք եք, պարո՛ն վարչապետ։ Մի՛ թույլատրեք, որ անցյալի մղձավանջը վերադառնա։
Սար մնացե՛ք, պարոն վարչապետ, Ամուլսար մնացե՛ք։ Ուժ և խոհեմություն Ձեզ և մեզ»։

Այս թեմայի շուրջ «Առաջին լրատվական»-ը օնլայն տեսակապով զրուցել է Նարինե Աբգարյանի հետ:

«Այս խնդրին լուծում չտալով՝ կառավարությունը կարծես թե ստորագրում է իր անզորության տակ: Մեծ հույս ունեմ, որ Ամուլսարի հարցը կլուծվի հօգուտ հայ ժողովրդի և Հայաստանի: Եթե Ամուլսարը վերածվի հանքի, դա մեր երկիրը վերջնականապես կդարձնի «բանանային» հանրապետության»,- նշեց Նարինե Աբգարյանը՝ հավելելով, որ իշխանությունը կարծես թե չի ուզում հեղափոխական ճանապարհով գնալ:

Մանրամասն՝ տեսանյութում:

  • Դիտումներ՝ *