Ամուլսարի երկրորդ հենակետի մոտ երեկվա բողոքի ակցիան գիշերը հետաձգել են՝ այսօր կրկին շարունակելու ակնկալիքով։ Ջերմուկ քաղաք տանող ավտոճանապարհը գիշերը բացվել են։ Երեկ առավոտից Ամուլսարում իրավիճակը լարված է եղել, ակցիայի ընթացքում բերման ենթարկվածներ են եղել։ Ակցիայի մասնակիցները փորձել են տեղաշարժել «Լիդիան Արմենիա» ընկերության պահնորդական խմբի կողմից Ամուլսարի իրենց վարձակալած տարածքում տեղադրված վագոն-տնակները, ինչի հետևանքով բախում է տեղի ունեցել։ Ամեն ինչ սկսվել է այն բանից հետո, երբ «Լիդիան» ընկերության վարձած նոր պահնորդական ծառայությունը Ամուլսարի պահապանների վագոն-տնակները հանել էր ու փոխարենը դրել իրենցը: Թեմայի շուրջ «Առաջին լրատվական»-ը զրուցել է նախօրեին Ջերմուկում ներկա իրավապաշտպաններ Նինա Կարապետյանցի և ՔՈ կուսակցության անդամ Գոռ Հակոբյանի հետ: