Ծնկի ծերին քայլեր պետք չեն․ խնդիրն այս պահին Լիբանանում մեր պետականաստեղծ համայնքին աջակցելն է

«Արմենպրես» լրատվական գործակալության տնօրեն, պատմաբան Արամ Անանյան խորը ցավով է արձանագրում և համեմատականներ անցկացնում Բեյրութում տեղի ունեցած պայթյունի և Նագասակիի միջև․ «Դա մինի Նագասակի էր հիշեցնում» ։ Նա կարծում է, որ այսօր Բեյրութը ունի առավելապես ֆինանսական լուրջ աջակցության կարիք, իսկ Հայաստանը այդ առումով լուրջ անելիքներ չի կարող ունենալ։ Անանյանը գտնում է, որ այսօր մենք խնդիր ունենք հենց Լիբանանում պահելու մեր պետականաստեղծ համայնքը, իսկ այլ աջակցության, օժանդակության առնչությամբ մեր կառավարությունը, կարծում է, ամեն ինչ կանի։ Անդրադառնալով հարցին, թե օգոստոսի 10-ին լրանում է Սևրի պայմանագրի 100-ամյակը, այդ օրը մենք իրար պետք է շնորհավորե՞նք, թե ամեն դեպքում հարցին վերապահումներով պետք է մոտենանք, նշում է՝ 2-ն էլ։