Օգոստոսի 4-ին Լիբանանի մայրաքաղաք Բեյրութում տեղի ունեցած հզոր պայթյունի հետևանքով, այս պահին դեռևս ճշտվող տեղեկություններով, զոհվել է ավելի քան 70 մարդ, այդ թվում՝ երեք հայեր, հազարավոր մարդիկ վիրավորվել են, քաղաքի մի հատվածը վերածվել է փլատակների:
Պայթյունի պատճառները դեռևս անհայտ են, քննարկվում են հնարավոր բազմաթիվ վարկածներ։ Անկախ տեղի ունեցածի պատճառներից, սակայն, կատարվածը զարհուրելի է ու սարսափելի։
Այսօր Լիբանանում հայտարարվել է սգո օր։ Այստեղ՝ Հայաստանում, մենք ևս սգում ենք բարեկամ երկրի մայրաքաղաքում կատարվածի արդյունքում անմեղ զոհերի մահը ու աղոթում ենք նրանց հոգիների համար։ Լիբանանում ապրում է մեծաքանակ հայկական համայնք, որի ներկայացուցիչները ևս տուժել են պայթյունի հետևանքով։ Մենք այս դժվարին օրերին ոչ միայն մեր ազգակիցների, այլև ողջ Լիբանանի եղբայրական ժողովրդի կողքին ենք։
Ոգեկոչելով պայթյունի հետևանքով զոհվածների հիշատակը՝ շուտափույթ ապաքինում եմ մաղթում բոլոր վիրավորներին ու տուժածներին։
Աստված պահապան Լիբանանի եղբայրական ժողովրդին
https://www.facebook.com/babajanyana/photos/a.2309525339078180/3518436934853675/?type=3&theater
