Այսօր բնապահպան ակտիվիստներն ու ջերմուկցիները հավաքվել ու պատրաստվում են երթով շարժվել դեպի Ամուլսարի հենակետեր։ Այս գիշեր՝ ժամը 3-ից 4-ի սահմաններում, «Լիդիան Արմենիա»-ի պահնորդական խմբի անդամներն ապամոնտաժել են ակտիվիստների վագոն-տնակները։ Բնապահպան ակտիվիստների խոսքերով՝ որոշ տնակներ պահնորդական խմբի անդամներն անգամ ջարդել են և իրենցն են տեղադրել այդտեղ։ Ակտիվիստները փաստում են, որ այդ տարածքները «Լիդիան Արմենիա»-ինը չէին, և իրենց վագոն-տնակները գտնվում էին ոչ նրանց տարածքում։
Տեղյա՞կ եք, թե ինչ է տեղի ունեցել գիշերը, և ի՞նչ եք պատրաստվում անել․ «Առաջին լրատվական»-ի հարցին «Ամուլսարն առանց հանքի» նախաձեռնության պատասխանատու-անդամ Գեղամ Օհանյանը պատասխանեց․ «Գիշերը «Լիդիան Արմենիա»-ն ապօրինաբար մեր տնակները տեղափոխել են փողոցի մյուս հատված և իրենց տնակներն են տեղադրել այդտեղ։ Առաջին ու երկրորդ հենակետերում, որտեղ դրանք տեղի են ունեցել, ոստիկաններ կան կանգնած, իսկ երրորդում ոստիկաններ չկան։ Կարող ենք ենթադրել, որ ոստիկանները եկել են, որպեսզի բախում չլինի։ Մանրամասներին ծանոթ չեմ, բայց, բնականաբար, արագ գործողություններ են իրականացրել, որպեսզի խոչընդոտումներ չլինեն։ Իսկ արագ գործողությունները միշտ էլ բերում են վնասներ»։
Մանրամասները՝ տեսանյութում։