Ռուսաստանից Հարավային Կորեա ժամանող նավերի անձնակազմի բոլոր անդամներն օգոստոսի 3-ից պետք է տեղեկանք ներկայացնեն, որը հաստատում է COVID-19-ի թեստի բացասական արդյունքը: Այդ մասին հաղորդում է Yonhap-ը՝ վկայակոչելով առողջապահության տեղական մարմիններին:
Տեղեկանքը պետք է տրվի նախքան Հարավային Կորեա ժամանելը՝ 48 ժամվա ընթացքում: Գործակալությունը հիշեցնում է, որ ավելի վաղ Սեուլը պարտավորեցրել Էր վեց երկրներից ժամանող բոլոր անձանց, որոնց թվում են՝ Բանգլադեշը, Պակիստանը, Ղազախստանը, Ղրղզստանը, Ֆիլիպինները եւ Ուզբեկստանը, բժշկական տեղեկանքներ տրամադրել COVID-19-ի բացակայության մասին: Ռուսաստանը երկրների այս ցուցակի մեջ դեռ չի մտել:
Կարանտինային խիստ միջոցառումները կկիրառվեն միայն Ռուսաստանի նավերի անձնակազմերի անդամների նկատմամբ:
2020 թվականի հունիսի 22-ից Հարավային Կորեայում վարակման 92 դեպք է գրանցվել այն ութ նավերի ռուսաստանցի նավաստիների շրջանում, որոնք կառանվել էին երկրում: Նշվում է, որ այն ժամանակ, երբ երկրում դիտվում է վարակման տեղական դեպքերի թվի նվազում, աճում է արտասահմանից բերված դեպքերի թիվը:
Մասնավորապես, հիվանդության ներմուծված դեպքերի աճը կապված Է ռուսաստանցի նավաստիների և հարավկորեացի այն աշխատողների հետ, որոնք տուն են վերադարձել Իրաքից:
