Մոսկվայի քաղաքային դատարանը արգելել է Խաչատուրյան քույրերին, որոնք մեղադրվում են իրենց հոր սպանության գործով, շփվել միմյանց հետ և մասնակցել զանգվածային միջոցառումներին՝ հանրահավաքներ, երթեր: Այս մասին հայտնում է «ՌԻԱ Նովոստին»՝ վկայակոչելով հանգուցյալի ընտանիքի ներկայացուցիչ Յուլիա Նիթչենկոյին:
Ըստ նրա՝ ցանկացած խախտում կարող է հանգեցնել խափանման միջոցների խստացմանը` մինչև ներառյալ կալանավորումը:
Նիթչենկոն նշել է, որ սպանվածի ընտանիքը չի վախենում ատենակալների դատավարությունից, որը կքննարկի Խաչատուրյան ավագ քույրերի գործը:
Նա հավելել է, որ դատավարությունն ընթանալու է միայն գործի նյութերի, այլ ոչ թե լրատվամիջոցներում տարածված կեղծիքների հիման վրա: