Օգոստոսի 3-ին ոսկու գինը սակարաններում նորացրել է ռեկորդային առավելագույնը աշխարհի մի շարք տարածաշրջաններում ճգնաժամի վերսկսման երկյուղի ֆոնին, որը կապված Է կորոնավիրուսի համավարակի հետ:
Ոսկու ֆյուչերսները բարձրանում են 0,4 տոկոսով՝ մինչեւ 1993,9 դոլար՝ 1 ունցիայի դիմաց: Ոսկու գինը կանխիկ շուկայում հուլիս ամսին կտրուկ ավելացել է 11 տոկոսով, ինչն առավելագույն ամսական բարձրացումն Է 2012 թվականից ի վեր:
СOVID-ի համավարակի սկզբից ի վեր ախտահարվածների թիվն աշխարհում օգոստոսի 3-ին Երեւանի ժամանակով 09:00-ի դրությամբ հասել Է 18 միլիոն 19 հազար 472-ի: Այդ մասին հայտնել է ԱՄՆ-ի Ջոնս Հոփքինսի համալսարանը:
Վիրուսի հետ կապված հիվանդությունից զոհերի թիվն աշխարհում հասել է 688 հազար 369-ի: СOVID-ի համավարակը շարունակում է առողջապահության համար լուրջ սպառնալիք մնալ համաշխարհային մասշտաբով, հայտարարում են Առողջապահության համաշխարհային կազմակերպությունում:
ԱՀԿ-ում կարծում են, որ COVID-19-ը դեռ երկար կտևի, դրա հետ միասին նշում են պատասխան ջանքերի կարևորությունը ինչպես ազգային ու տարածաշրջանային, այնպես էլ միջազգային մակարդակով: Մինչդեռ արծաթի գինը կանխիկ շուկայում նվազել է 0,3 տոկոսով և մեկ ունցիայի դիմաց կազմել 24,3212 դոլար: Հուլիսի արդյունքներով՝ այն աճել է 34 տոկոսով՝ հաղորդել է «Ինտերֆաքս»-ը:
