Այդ մասին հաղորդել է Բելառուս գործարար Վալերի Ցեպկալոն՝ Բարձր տեխնոլոգիաների պարկի հիմնադիրը, որը ցանկանում էր մասնակցել երկրում նախագահական ընտրություններին, Մոսկվայից մեկնել է Կիև: Այս մասին հաղորդել է «Ինտերֆաքսը» հղում անելով քաղաքական գործչի մամուլի քարտուղարին:
Վալերի Ցեպկալոն հեռացել էր Բելառուսից և երեխաների հետ մեկնել Ռուսաստան՝ այն բանից հետո, երբ Բելառուսի Կենտրոնական ընտրական հանձնաժողովը հուլիսի 14-ին հրաժարվել էր գրանցել նրան: Գրանցման մերժման պաշտոնական պատճառը քաղաքական գործչի օգտին «հուսալի ստորագրությունների բացակայությունն» էր:
Նրա կինը՝ Վերոնիկա Ցեպկալոն մնացել է Բելառուսում, նա օգնում է նախագահի թեկնածու Սվետլանա Տիխանովսկայայի նախընտրական շտաբին: Վերոնիկա Ցեպկալոն հայտարարել է, որ ամուսնու՝ Բելառուսից հեռանալու պատճառը գործարարի հնարավոր ձերբակալության մասին տեղեկությունն է և մտավախությունը, որ նա կարող է զրկվել ծնողական իրավունքներից: Մամուլում հայտարարություն էր տարածվել, համաձայն որի՝ Վալերի Ցեպկալոն հակաօրինական գործունեություն է ծավալել:
«Ինտերֆաքսի» տեղեկություններով ՝ Ցեպկալոն պատրաստվում էր մի քանի մամուլի ասուլիսներ տալ Բելառուսում նախընտրական իրավիճակի վերաբերյալ: Ենթադրվում էր, որ լրագրողների հետ հանդիպումները կանցկացվեն Մոսկվայում, Ուկրաինայում, ԵՄ-ում և ԱՄՆ-ում, նշում է «Ինտերֆաքսը»: