Նշվել են այն բառերը, որոնք առավել հաճախ են օգտագործվում Ջոան Ռոուլինգի՝ հրաշագործ Հարի Փոթերի մասին պատմող գրքերի շարքում, հայտնում է «ՌԻԱ Նովոստին» ՝ վկայակոչելով My Book-ի ուսումնասիրությունը:
Հարի Փոթերի անունը հիշատակվում է ասքում գրեթե 20 հազար անգամ, մոգության հետ կապված գոյական անուններն ու ածականները՝ «փայտիկ» – 1907 անգամ, «կախարդական» բառը՝ 794 անգամ:
Գրքերի շարքից ամենահայտնի մեջբերումը պրոֆեսոր Դամբլդորի արտահայտությունն է «Հարի Փոթերը և գաղտնի սենյակը» վեպից. «Մեր իրական էությունն արտացոլում են ոչ թե մեր ունակությունները, այլ մեր ընտրությոնը»:
Գրքի յուրաքանչյուր հաջորդ մասն ավելի մռայլ է դառնում, և դա արտացոլվում է բառապաշարի մեջ. ասքի առաջին մասում «մահ», «սպանել» և «չար» բառերի թիվը 142 էր, երկրորդում՝ 109, երրորդում՝ 239, չորրորդում ՝ 281, հինգերորդում՝ 409, վեցերորդում`431, յոթերորդում` 608:
Գրող Ջոան Ռոուլինգը հուլիսի 31-ին նշել է իր ծննդյան 55-ամյակը: