«Բնականաբար չեմ մեկնաբանի թե ում եմ տալիս իմ նախապատվությունը, որովհետև սա գաղտնի քվեարկություն է և ես բոլոր թեկնածուների վերաբերյալ իհարկե ունեմ իմ ուրույն կարծիքն ու դիրքորոշումը։ Օրենքի կարգը չի բացառում, որ մինչև քվեարկության մեկնարկը կարող են նոր թեկնածուներ ի հայտ գան, – լրագրողների հետ ճեպազրույցի ընթացքում ասել է ԲԴԽ անդամ, դատավոր Մեսրոպ Մակյանը։
Մեսրոպ Մակյանը հավելում է՝ առաջադրվել ցանկացող բոլոր դատավորներին նախապես՝ էլեկտրոնային փոստի միջոցով տեղյակ է պահվել, որ դիմումները նախապես ներկայացնեն, որպեսզի կազմակերպչական հարցերն ավելի արագ լուծվեմ՝ քվեաթերթիկներում անունները ներառվի. «Թեև չի բացառվում, որ կարող են լինել նոր թեկնածուներ, ինչպես նաև այնպիսիք, ովքեր կարող են հրաժարվել և թեկնածությունը հանել»,- նշել է նա։
