Քաղաքական ղեկավարությունը և ԱԱԾ գործող տնօրենը օրենքի ընթերցման հետ խնդիրներ ունեն։ Այս մասին այսօր լրագրողների հետ զրույցի ժամանակ ասաց ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը։
Վերջինս, խոսելով գործի մասին, ասաց, որ 2018 թվականին նախկին աշխատակիցներից մեկը վերականգնվել է աշխատանքի, ով ըստ ԱԱԾ մեկնաբանության՝ իրավունք չուներ այդ պաշտոնին վերականգնվելու. «Երևի օրենքի ընթերցման և հասկանալու հետ կապված խնդիրներ ունեն ոչ թե ԱԱԾ աշխատակիցները կամ քննիչները, այլ օրենքի ընթերցման հետ խնդիրներ ունեն ՀՀ քաղաքական ղեկավարությունը, ինչպես նաև ԱԱԾ գործող տնօրենը։ Եթե օրենքը կարդային հստակ և մինչև վերջ, կհասկանային, որ որևէ օրենքի խախտում տեղի չի ունեցել»,-ասաց Արթուր Վանեցյանը։
