ԱՄՆ-ում կորոնավիրուսով հիվանդ շուն է մահացել

Միացյալ Նահանգներում գերմանական հովվաշուն է մահացել, որը երկրում կորոնավիրուսով վարակված առաջին շունն է դարձել, գրում է National Geographic ամսագիրը:

Նշվում է, որ յոթ տարեկան Բադին վարակվել էր ավելի քան մեկ ամիս առաջ, նրա մոտ շնչառական խնդիրներ են առաջացել:

Շունը մահացել է հուլիսի 11-ին: Ըստ եղած տվյալների՝ շունը, ամենայն հավանականությամբ, օնկոլոգիական հիվանդություն է ունեցել: Անասնաբույժները չեն բացառում, որ շունը մահացել է հենց քաղցկեղի պատճառով: Մահվան ճշգրիտ պատճառը կպարզվի քննությունից հետո։

Միացյալ Նահանգներում կորոնավիրուս է հաստատվել նաև վագրի, առյուծի և երկու կատուների մոտ: