Հռոմի Լադզարո Սպալանցանիի անվան վարակիչ հիվանդությունների ազգային ինստիտուտի գիտնականները մկների վրա իրականացված հաջող փորձարկումից հետո կորոնավիրուսի դեմ պատվաստանյութը փորձարկելու են մարդկանց մոտ: Այս մասին հայտնում է la Repubblica պարբերականը:
Նշվում է, որ փորձարկումներին կամավոր հիմունքներով կմասնակցեն մինչև 55 տարեկան 45 անձ:
Նրանք բաժանվելու են 15 հոգուց բաղկացած երեք խմբի: Պատվաստանյութը հերթով փորձարկվելու է յուրաքանչյուր խմբի վրա:
Եթե փորձարկումների արդյունքը հաջողլինի, դեղը կկիրառվի 65-ից 75 տարեկան կամավորների վրա:
Դրանից հետո պատվաստանյութը պետք է հաստատվի Առողջության բարձրագույն ինստիտուտի և Իտալիայի դեղամիջոցների գործակալության կողմից, այն հետագայում կուսումնասիրվի ReiThera դեղագործական ընկերությունում, որն այնուհետև ակնկալում է սկսել դեղամիջոցի զանգվածային արտադրությունը: