Երեկ երեկոյան Ռոբերտ Քոչարյանը հանդես է եկել հարցազրույցով՝ պատասխանելով երեք հեռուստաընկերությունների լուրերի բաժնի ղեկավարների հարցերին։ Ի՞նչ էր ուզում ասել ՀՀ երկրորդ նախագահը տևական լռությունից հետո: Արդյոք նա ինչ-որ նոր բան է ասել այս հարցազրույցում: Թեմայի շուրջ «Առաջին լրատվական»-ի հետ քննարկմանը մասնակցեցին Գերագույն խորհրդի նախկին պատգամավոր Ազատ Արշակյանը և «Հանուն հանրապետության» նախաձեռնության անդամ, քաղաքագետ Ռոբերտ Ղևոնդյանը:
Ռոբերտ Ղևոնդյանի դիտարկմամբ՝ Ռ. Քոչարյանը մտքերի մեջ կար որոշակի համակարգվածություն, ինչը չէր նկատվում նախորդ հարցազրույցներում. «Ամենայն հավանականությամբ հարցերը պատահական չէին, նախապես մշակված էին, և պատասխանները քննարկվել էին, ըստ իս՝ հարցերին նա ծանոթ էր, և ենթատեքստերը հնչում էին պլանավորված, համակարգված, պատճառահետևանքային կապը պահպանվում էր»:
Ազատ Արշակյանի խոսքով՝ երկրի նախագահը նախկին չի լինում, նախագահը պետք է լինի օրինակելի քաղաքացի: «Ինձնից հետո Հայաստանում թող ջրհեղեղ լինի. Քոչարյանի հիմնական մեսիջը սա էր»: «Հայկական պետությանն իմ գործընկերները մեծ վնաս կտան, ու դրանով իշխանությունը կվարկաբեկվի, իշխանափոխություն կանենք ու կվերադառնամ իշխանության»,- Ազատ Արշակյանի կարծիքով՝ այսպիսի հույսեր ունի Քոչարյանը:
Ռոբերտ Ղևոնդյանի դիտարկմամբ՝ քաղաքականության ու քաղաքական գործընթացների մասին Ռ.Քոչարյանի պատկերացումները չեն համընկնում իրականությանը. «Նրա սպասումը, որ նախկին համակարգը մերժած ժողովուրդը կարող է դուրս գալ փողոց և ցանկանա վերադարձնել այն, ինչ արդեն մերժվել է, իրատեսական չէ»:
Մանրամասն՝ տեսանյութում:
