Սահմանադրական դատարանի փոփոխություններն ուժի մեջ մտնելուց հետո սկսվել է ՍԴ կազմը համալրելու գործընթացը: Սահմանադրական դատարանի դատավորի պաշտոնում Կառավարությունն առաջադրել է Վահրամ Ավետիսյանի թեկնածությունը: Թեմայի շուրջ «Առաջին լրատվական»-ի հետ քննարկմանը մասնակցեցին Եվրասիա համագործակցություն հիմնադրամի մարդու իրավունքների ծրագրի տնօրեն Իզաբելլա Սարգսյանը և ճարտարապետ, պատմաբան Սերգո Տոնոյանը:
Վահրամ Ավետիսյանի առաջադրումը աղմկոտ քննարկումների առիթ է հանդիսացել, առանցքային պատճառներից մեկն այն է, որ նրա հայրը՝ Դավիթ Ավետիսյանը, նախկինում զբաղեցրել է Վճռաբեկ դատարանի քրեական գործերով պալատի նախագահի պաշտոնը, և փաստաբանական համայնքը պնդում է, որ Դավիթ Ավետիսյանը հայտնի է որպես կոռումպացված դատավոր: Նման կոմպրոմատային ժառանգություն ունեցող անձին ՍԴ դատավորի պաշտոնում ընտրելը, շատերի պնդմամբ, վտանգավոր է:
Իզաբելլա Սարգսյանի դիտարկմամբ՝ Դավիթ Ավետիսյանը կարևոր դերակատարում է ունեցել մարտիմեկյան դատավարությունների և հանիրավի պատիժներ սահմանելու գործում… «Հարցն այն է, որ եթե Վահրամ Ավետսիայնը երբ որ ընտրվի ՍԴ դատավոր, առնչվելու է Մարտի 1-ի և սահմանադրական կարգի տապալման գործերին, և առաջանալու է շահերի բախում նրա և իր հոր միջև»:
Իզաբելլա Սարգսյանն առանձնացրեց նաև այն հանգամանքը, որ Վահրամ Ավետիսյանը երկար ժամանակ համակարգել է ԱՊՀ միջխորհրդարանական հանձնաժողովի մասնաճյուղը Հայաստանում և 2012, 2013, 2015թթ.ընտրությունների և հանրաքվեի ժամանակ նախապատրաստել է մոնիթորինգային առաքելությունը, պատրաստել է անալիտիկ փաստաթղթեր, որոնցում գովում են ընտրությունները: «Եվ կան փաստաթղթեր 2017թ. դատական բարեփոխումներին ուղղված կոնֆերանսի մասին, որտեղ բանախոսներ են Արփինե Հովհաննիսյանը, Արթուր Ղազինյանը…»:
Անդրադառնալով Վ. Ավետիսյանի մասնագիտական որակներին՝ Իզաբելլա Սարգսյանը նշեց, որ իր կարծիքով՝ ՍԴ դատավորը պետք է ունենա սահմանադրական իրավունքի, մարդու իրավունքների մասնագիտացում, այսինքն՝ լայն սպեկտորի մասնագիտացում ունենա, մինչդեռ Վ. Ավետիսյանի մասնագիտացումը կոմերցիոն իրավունքն է, և նա մինչ այսօր աշխատում է «Տոտո գեյմինգ» ընկերությունում:
Մանրամասն՝ տեսանյութում: