Աշխարհում նոր տիպի կորոնավիրուսով վարակման հայտնաբերված դեպքերի թիվը հուլիսի 30-ին գերազանցել է 17 միլիոնը: Այդ մասին են վկայում Միացյալ Նահանգների Ջոնս Հոփքինսի համալսարանի տվյալները, որը հաշվարկները կատարում է միջազգային կազմակերպությունների, դաշնային և տեղական իշխանությունների տեղեկատվության հիման վրա: Համալսարանի տվյալներով՝ այս պահին վարակվածների թիվը կազմում է 17 029 206, մահացել է 667 011-ը: Ընդամենն առողջացել է 9 948 163 ախտահարված: Ամենից շատ վարակումներ (4 426 982 հայտնաբերված դեպք) արձանագրվել են ԱՄՆ-ում: Միացյալ Նահանգներում մահացել է կորոնավիրուսով ախտահարված 150 713 հիվանդ, առողջացել է 1 389 425-ը: Այնուհետև վարակումների թվով հետևում է Բրազիլիան՝ վարակման 2 552 265 հայտնաբերված դեպքով, 90 134 մահով և 1 922 802 առողջացած պացիենտով:
Երրորդ տեղն զբաղեցնում է Հնդկաստանը, որտեղ վարակվել է 1 581 963, մահացել 34 955 և առողջացել 1 019 735 մարդ: Ռուսաստանն զբաղեցնում է չորրորդ տեղը կորոնավիրուսով ախտահարման արձանագրված դեպքերի թվով: Կորոնավիրուսի դեմ պայքարի դաշնային օպերատիվ շտաբի տեղեկություններով՝ ՌԴ-ում արձանագրվել Է վարակման 828 990 դեպք, առողջացել Է 620 333 մարդ, մահացել է 13 673-ը: ՌԴ-ի կառավարությունը գործարկել է ստոպկորոնավիրուս.ռֆ ռեսուրսը երկրի իրավիճակի մասին իրազեկման համար, հաղորդել է ՏԱՍՍ-ը:
