ԱՄՆ նախագահ Դոնալդ Թրամփը լրագրողների հետ զրույցի ընթացքում պատմել է, թե ինչն է իր կարծիքով հանդիսացել ԽՍՀՄ-ի փլուզման պատճառը, հաղորդում է «Ինտերֆաքս» -ը:
ԱՄՆ նախագահի կարծիքով, Խորհրդային Միությունը փլուզվել է Աֆղանստանում անհաջող պատերազմի հետևանքով. Խորհրդային իշխանություններն այնտեղ հսկայական գումարներ և մարդկային կյանքեր կորցրեցին:
«Եթե մտածեք Ռուսաստանի մասին, կհասկանաք, որ այն Ռուսաստան դարձավ և դադարեց ԽՍՀՄ լինել հենց Աֆղանստանի պատճառով», – ասել է Թրամփը:
Այդ իսկ պատճառով նախագահը կասկած է հայտնել, որ Ռուսաստանի Դաշնությունը կարող է համագործակցել «Թալիբան» ահաբեկչական շարժման հետ և գումար փոխանցել ԱՄՆ-ի զինված ուժերի վրա հարձակումների համար:
«Այսպիսով, ես չգիտեմ, թե ինչու պետք է նրանք դա անեն` վճարեն թալիբներին», – ամփոփել է Թրամփը:
