ԱՄՆ Արիզոնա նահանգի Տեմպե քաղաքում բեռնատար գնացքը դուրս է եկել ռելսերից և բռնկվել կամրջի վրա: Դեպքի վայրից տեսանյութը հրապարակել է 3TV հեռուստաալիքը:
Կադրերում երևում է կամրջի վրա բոցավառող գնացքը և թե ինչպես է սև ծխի ամպ բարձրանում: Հրդեհի պատճառով կամուրջը մասամբ փլուզվել է: Հաղորդվում է, որ միջադեպի հետևանքով ծանր վիրավորներ չկան: Հայտնի է միայն, որ բժշկական օգնություն է ստացել ծխից թունավորված մեկ անձ:
Ըստ երկաթուղու ներկայացուցիչների, գնացքի երկու վագոններում, որոնք դուրս էին եկել ռելսերից, արդյունաբերական դյուրավառ ցիկլոհեքսանոն նյութ է եղել, իսկ մեկ այլ վագոնում՝ ռետինե նյութեր: Հրդեհի հետևանքով ոչ մի վնասակար նյութ չի հայտնվել ջրում:
