Լուրեր
Մեր հասարակությունը լավ չի կողմնորոշվում, թե ինչ է նշանակում շահերի բախումը
  • 22:16
  • 2020-07-29
  • Դիտումներ՝ *

ԿԳՄՍ նախարարությունը ներկայացրել է կրթական չափորոշիչների բարեփոխման նախագիծ, որը բուռն քննարկումների առարկա է դարձել, հատկապես քննադատվում է ժամանակակից գրողներին պարտադիր գրականության ցանկում ընդգրկելու փաստը: Թեմայի շուրջ «Առաջին լրատվական»ի հետ տեսակապով զրույցում արձակագիր, հրապարակախոս Գևորգ Տեր-Գաբրիելյանը նշեց. «Կրթական չափորոշիչների ստեղծումը՝ նախագծային տեսքով, նորույթ է, և այդ առումով կարևոր է… Դպրոցի նկատմամբ մոտեցումը նորանում է, աշխարհն առաջ է գնում, զարգանում է, մարդիկ փոխվում են: Եվ այն գերմանառուսական ակունքներից եկող համակարգը, որի հիման վրա իրականացվում էր դպրոցական ցանկացած առարկայի դասավանդումը, առնվազն մեկուկես դար գոյատևել է և այժմ չի համապատասխանում այսօրվա կարիքներին, ընդ որում՝ այդ համակարգը նախկինում մի քանի անգամ փոփոխություններ է կրել… Հիմա նոր մոտեցմամբ չափորոշիչներով են ուզում առաջնորդվել և դա ողջունելի է… Համացանցում բարձրացած աղմուկը շատ կողմեր ունի, կան արդարացի քննադատություններ, բայց ավելի շատ են չարդարացված վիրավորական քննադատությունները:

Ինչ վերաբերում է ժամանակակից գրողների ընդգրկմանը, կարևոր է հասկանալ, որ նրանք ժամանակակից են այսօր, այսինքն՝ ամեն յոթ կամ տասը տարին մեկ այդ հեղինակների ցուցակը պետք է վերանայվի և այլ ժամանակակից հեղինակներ պետք է ընդգրկվեն: Այդ հեղինակների ընդգրկված լինելը չի վկայում նրանց ստեղծագործությունների մնայունության մասին… Դասական հեղինակների «բրոնզապատումը» սխալ է: Ժամանակակից հեղինակների ընդգրկումը կարևոր է նրանով, որ նրանք ժամանակի շունչն են ներկայացնում և հոգեբանորեն ավելի ընկալելի են…
Թեև ծավալվել է քաոտիկ քննադատությունը, բայց դա լավ էր հանրային դիսկուրսը ակտիվացնելու և գրականության վերաբերյալ քննարկումներ սկսելու համար: Գրականության նկատմամաբ երեք մոտեցում ձևավորվեց…»:

«Մեր հասարակությունը լավ չի հասկանում, թե ինչ է նշանակում շահերի բախում»,- ընդգծեց մեր զրուցակիցը:

Մանրամասն՝ տեսանյութում:

  • Դիտումներ՝ *