Երեկ դատարանում Ռոբերտ Քոչարյանը հայտարարել է, որ իր գույքի և հաշիվների օրիանականություն որևէ մեկի նոտ չի կարող կասկած առաջացնել։
«Հետաքրքիր հայտարարություն է արել հաշիվների հետ կապված։ Սրանից շատ ամիսներ առաջ նրա որդին էլ նմանատիպ ինչ-որ հայտարարություն արեց՝ ասելով, որ իրենք միլիոնատեր են, միլիարդատեր չեն։ Ես ուղղակի բառ չեմ գտնում որևէ ձևով բնորոշել Ռոբերտ Քոչարյանի այս հայտարարությունը, և ընդհանրապես գույքի և իրենց ունեցվածքի վերաբերյալ բոլոր հայտարարությունները, որտեղ ասվում է, որ իրենք ազնիվ մարդիկ են, իրենք աշխատել են աշխատավարձով, և իրենց աշխատավարձով են ձեռք բերել իրենց ունեցածը։ Ըստ իրենց ընդհանուր կոնտեքստի հետ կապված եմ ասում։ Ես ուզում եմ, որ այդ մարդիկ հասկանան, որ ՀՀ քաղաքացիները հասկանում են ամեն ինչ, տարիներ շարունակ տեսել են ամեն ինչ, և մենք ամեն օր տեսել ենք, թե մարդիկ ինչպես են հարստանում։ Եվ հիմա, երբ Ռոբերտ Քոչարյանը այսպես խեղճ ու կրակ հայտարարություն է անում, թե ինքը ազնիվ ամբողջ կյանքում աշխատել է, ջանքեր է գործադրել, տուն չունի, ոչ մի բան չունի, այդ տունն էլ ստացել է կառավարությունից, պետությունից է ստացել, և իր հաշիվներն էլ իր աշխատավարձով են ձևավորվել։ Չգիտեմ, ուղղակի հատուկ մարտավարություն է տրված, որ նա պետք է այսպիսի խեղճ, մեղմ հայտարարություններ անի, որպեսզի խղճահարություն արթնացնի, մարդիկ մոռանան, թե ով է եղել Ռոբերտ Քոչարյանը, և մարդիկ արդեն տեսնեն այլ Ռոբերտ Քոչարյան» , – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Արփի Դավոյանը։
