«Նախորդ անգամ, երբ հարցազրույց էիք վերցնում, մենք ունեինք թվով 739 դիմորդ, ովքեր հարաբերական բարձր միավորներոց դուրս էին մնացել, ոչ թե ընդհանրապես բոլոր տեղերից, այլ իրենց կողմից նշված առաջին հայտի շրջանակներում չէին հայտնվել իրենց ցանկալի բուհում կամ իրենց ցանկալի մասնագիտության մեջ։ Մեր հանձնաժողովի ներկայացուցիչները, անդամները, ցավոք, չկարողացան այսօր ներկա գտնվել տարբեր հիմնավոր պատճառներով՝ սկսած առողջական խնդիրներից։
Ցավոք, մեր շարքերում մենք ունենք պատգամավորներ, ովքեր վատառողջ են։ 739 դիմորդից 472-ը ընդառաջ է եկել նախարարության կոչին և երկրորդ փուլով մասնակցել է ընտրություններին և գտել է իր համապատասխան մասնագիտությունը։ Առնվազն մեկ տարվա կտրվածքով գտել է իր մասնագիտությունը եկող տարվա համար։ Գուցե այդպես էլ չեն համակերպվի կամ կցանկանան փոխել մասնագիտությունը։ Փառք Աստծո, ՀՀ բուհական համակարգը և ընթացակարգերը թույլ են տալիս, որպեսզի երեխան կարողանա բուհից բուհ տեղափոխվել, իհարկե տալով համապատասխան տարբերությունների քննություններ» , – «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Լիլիթ Ստեփանյանը։
Հիշեցնենք, որ բուհ չընդունված դիմորդները այսօր հանդիպեցին ԱԺ պատգամավորների հետ։