Միացյալ Նահանգների իշխանությունները բանակցություններ են վարում Փորթլենդից (Օրեգոնի նահանգ) դաշնային ուժային գերատեսչությունների աշխատակիցներին դուրս բերելու շուրջը: Այդ մասին հուլիսի 28-ին հաղորդել է Associated Press (AP) գործակալությունը՝ վկայակոչելով ԱՄՆ-ի վարչակազմի աղբյուրներ:
Նրանց տեղեկություններով՝ բանակցություններն ընթանում են ԱՄՆ-ի նախագահ հանրապետական Դոնալդ Թրամփի վարչակազմի ներկայացուցիչների եւ Օրեգոնի նահանգապետ Քեյթ Բրաունի միջեւ, որը ներկայացնում է Դեմոկրատական կուսակցությունը: Associated Press-ը նշում է, որ Փորթլենդից դաշնային ուժերի աշխատակիցների հնարավոր դուրսբերման համար հիմնական պայմանը տեղի իրավապահ մարմինների ավելի ակտիվ մասնակցությունն է բողոքավորներին ցրելու գործին:
Գործակալությունը նշում է, որ բանակցությունները գտնվում են վաղ փուլում, որեւԷ որոշում առայժմ չի ընդունվել: Փորթլենդում բողոքները, որոնք ուղեկցվում են անկարգություններով, չեն դադարում 50 օրից ավելի: Ավելի վաղ ԱՄՆ-ի վարչակազմի որոշմամբ քաղաք են ուղարկվել դաշնային ուժային գերատեսչությունների աշխատակիցներ: Նրանք ներգրավված են ջարդարարներին պատասխանատվության ենթարկելու գործում: Հուլիսի լույս 28-ի գիշերը քաղաքում բերման է ենթարկվել 74 մարդ, 60-ին առաջադրվել են մեղադրանքներ, հայտնել է երկրի արդարադատության նախարարության մամուլի ծառայությունը, հաղորդել է ՏԱՍՍ-ը:
