Բարոյականության դաշտում հոր արարքի համար պատասխանատվության բաժին ունի որդին

ԱԺ «Իմ քայլը» խմբակցության պատգամավոր Տիգրան Ուլիխանյանը, խոսելով Նիկոլ Փաշինյանի այն հայտարարության մասին, թե Ռուսաստանը պետք է հասկանա, որ Հայաստանում իր դաշնակիցը ոչ թե Քոչարյանն է, Սարգսյանը, Փաշինյանը կամ Պողոսյանը, այլ հայ ժողովուրդը, նշում է՝ այստեղ տողատակեր պետք չէ փնտրել, ամեն ինչ ուղիղ ասված է։ Պատգամավորը թեև համակարծիք է այն մեկնաբանության հետ, թե վարչապետը այս խոսքով նկատի է ունեցել, որ անձերի վրա կառուցվող քաղաքականությունը ուղղակիորեն տապալման ենթակա քաղաքականություն է։ Խոսելով հայ-ռուսական հարաբերությունների մասին, Ուլիխանյանը հիշեցնում է հայտնի շրջանակների մասին, որոնք, ըստ պատգամավորի, պարբերաբար կեղծ օրակարգեր են հրամցնում, թե այդ հարաբերությունները վտանգված են։ Անդրադառնալով կառավարության կողմից ՍԴ դատավորի թեկնածու Վահրամ Ավետիսյանի շուրջ քննարկումներին, նշում է՝ նախնական կարծիք չի կարող ասել, առաջիկայում հանդիպում կունենան թեկնածու հետ։ Պատգամավորը այս քննարկումները համարում է վեթինգի լավ օրինակ։