Երաժիշտ Քանյե Ուեսթը միջնորդություն է ներկայացրել, որպեսզի ընդգրկվի Նյու Ջերսի նահանգի ընտրական քվեաթերթիկում: Այս մասին գրում է NY Daily News- ը: Այժմ քվեաթերթիկում ընդգրկվելու համար Ուեսթին անհրաժեշտ է 800 վավեր ստորագրություն հավաքել:
Ուեսթը հերքում է, որ իր նախընտրական քարոզարշավը գովազդային հնարք է իր նոր ալբոմի համար, ընդգծում է պարբերականը։
Միացյալ Նահանգների նախագահական ընտրություններում իր թեկնածությունն առաջադրելու՝ Ուեսթի մտադրության մասին հայտնի դարձավ հուլիսի 4-ին: Սակայն փորձագետները կարծում են, որ նա շատ ուշ է մտել նախագահական մրցավազքի մեջ, քանի որ մի շարք նահանգներում ավարտվել է ընտրողների ստորագրահավաքի վերջնաժամկետը:
ԱՄՆ 59-րդ նախագահական ընտրությունները տեղի են ունենալու նոյեմբերի 3-ին:
