«Այս նախաձեռնության մասին խոսվել և աշխատանքները սկսվել էին դեռևս տարեսկզբից, երբ տարածքային պատգամավոր Սիփան Փաշինյանի հետ տարեսկզբին երկու-երեք անգամ այցելել էինք մեր սահմանապահ բնակավայրեր, հանդիպել բնակիչների հետ։ Եվ իրենցից լսելով որոշակի մտահոգություններ, առաջարկություններ, պետության կողմից ակնկալվող որոշակի աջակցության տեսակներ, սկսեցինք աշխատել կառավարության հետ՝ մշակելով որոշակի արտոնություններ։ Ցավոք սրտի, համավարակի պայմաններում պետք է հաշվի առնենք, որ յուրաքանչյուր արտոնություն բյուջետային ծախս է, և այս համավարակի պայմաններում մի քիչ ամբողջական այս պահին չստացվեց մեր ուզածը։ Բայց այս պայմաններում փորձում ենք հնարավորինս տալ, և ինչպես նշել եմ գրառման մեջ, չի բացառվում, որ առաջիկայում կմտածենք նաև մանկապարտեզների կամ ուսանողների ուսման վարձերի փոխհատուցման տարբերակը» , – «Առաջին լրատվականի» հետ զրույցում ասաց ԱԺ «Իմ քայլը» խմբակցության պատգամավոր Սիսակ Գաբրիելյանը։
Հիշեցնենք, որ նոր օրենսդրական նախագիծ է մշակվել, որը հակառակորդի ուղիղ նշանառության տակ գտնվող շուրջ 36 բնակավայրերում ապրողներին հնարավորություն կտա մինչև 2024թ հունվարի մեկը պետությունից ստանալ աջակցություններ։