Եվրոպական երկրները պատրաստվում են կորոնավիրուսի երկրորդ ալիքին և քննարկում են նոր սահմանափակումներ մտցնելու հնարավորությունը, մինչ միլիոնավոր մարդիկ, գտնվելով արձակուրդում, ճանապարհորդում են Եվրոպայով, գրում է The Guardian թերթը:
Օրինակ ՝ Բելգիայի կառավարությունը վարակի զգալի աճից հետո նախազգուշացրել է, որ երկիրը կարող է կրկին «լոքդաունի» ենթարկվել։ Ֆրանսիայում առողջապահության նախարարը կոչ է արել ուժեղացնել զգոնությունը՝ երիտասարդների շրջանում հիվանդացության կտրուկ աճից հետո:
Գերմանիայում նույնպես «խորապես անհանգստացած են» մի քանի շաբաթների ընթացքում COVID-19 դեպքերի աճով։
Ընդ որում, փորձագետները կարծում են, որ հնարավոր է խուսափել ևս մեկ ալիքից և սահմանափակումներից։
«Այժմ առջևում 10 ամենակարևոր ամառային օրերն են, և այս ընթացքում մենք կտեսնենք, թե արդյոք ի վիճակի ենք կարգավորել իրավիճակը համերաշխության, համագործակցության և հավաքական ջանքերի միջոցով», – ասել է Կատալոնիայի վարչապետ Քիմ Թորրան:
Եթե չկարողանաք հաղթահարել կորոնավիրուսը, ստիպված կլինենք վերադառնալ սահմանափակումներին, հավելել է Թորրան: