Լուրեր
Չորեքշաբթի հստակեցում կունենանք, նախնական տպավորությունն այն է, որ կդիմենք վարչական դատարան․ բուհեր չընդունված դիմորդների փաստաբան

Բուհեր չընդունված դիմորդների փաստաբան Ալեքսանդր Կոչուբաևը բողոքի ակցիայի վայրից լրագրողներին հայտնեց, որ մեկ ժամ են տվել նախարար Արայիկ Հարությունյանին, որպեսզի նա իջնի հանդիպի դիմորդների հետ. «Կսպասենք, մինչև այն ավարտվի և, ըստ այդմ, կդիմենք իրավիճակից բխող համապատասխան քայլերի։ Իրավաբանական պրոցեսի առումով քննարկում ենք մի քանի հնարավոր տարբերակներ։ Չորեքշաբթի այս առումով հստակեցում կունենանք, բայց նախնական տպավորությունն այն է, որ կդիմենք վարչական դատարան և Կառավարության ընդունած որոշումը օրենքի հակասելու պատճառաբանությամբ անվավեր ճանաչելու պահանջ կներկայացնենք։ Նախարարն ու ԳԹԿ-ն կարող են ասել այն, ինչ ուզում եմ, սակայն դրանից իրավակարգավորումները չեն փոփոխվում, իսկ մենք ունենք իրավակարգավորման այնպիսի տեսակ, որ այս կարգը կարող էր կիրառվել բացառապես մյուս տարվա համար, քանի որ այն հաստատվել է ընդունելության քննությունները սկսելուց ավելի ուշ»։

  • Դիտումներ՝ *