Միացյալ Նահանգները սպառնում է պատժամիջոցներ կիրառել Լիբիայի ազգային բանակի (ԼԱԲ) ֆելդմարշալ Խալիֆա Հաֆթարի նկատմամբ, հայտնում է The Wall Street Journal- ը:
Սպառնալիքի պատճառը Հաֆթարի իբր խոչընդոտումն է Լիբիայից նավթի արտահանմանը, նշվում է հոդվածում: WSJ-ի փոխանցմամբ՝ հնարավոր պատժամիջոցների մասին տեղեկատվությունը ֆելդմարշալին է փոխանցվել ԱՄՆ պետդեպարտամենտի ներկայացուցիչների կողմից, ընդ որում, չի նշվում, թե երբ է դա տեղի ունեցել:
Լիբիայում ներկայումս զինված բախումներ են տեղի ունենում տարբեր առաջնորդների կողմնակիցների միջև: Երկիրը ղեկավարում է Ազգային համաձայնության կառավարությունը՝ վարչապետ Ֆայեզ Սարաջի գլխավորությամբ և «Արևելյան կառավարությունը»՝ Աբդալա Աբդուրահմանի աթ-Թանիի գլխավորությամբ: Արևելյան կառավարությանը աջակցում է Լիբիայի ազգային բանակի հրամանատար Խալիֆա Հաֆթարը: