Ռուս հոգեբույժ Եվգենի Ֆոմինն ասել է, որ լաց լինելը սթրեսը թեթևացնելու արդյունավետ միջոց է, և որ տղամարդիկ պետք է այն պարբերաբար օգտագործեն, հայտնում է Sputnik ռադիոկայանը:
«Երբ մարդն արտասվում է, նա, փոխաբերական իմաստով, թույլ է տալիս, որ բացասական և դժվար հույզերը դուրս գան արցունքների միջով: Այս առումով տղամարդկանց համար ավելի դժվար է տանել ինչ-որ դրամատիկ փորձություն կամ կյանքի ծանր իրավիճակ: Տղամարդիկ գործնականում զրկված են լաց լինելը որպես հակասթրեսային մեխանիզմ օգտագործելու հնարավորությունից»,- ասել է հոգեբույժը:
Ըստ նրա՝ հուզական չափազանց մեծ զսպվածությունն անխուսափելիորեն ազդում է առողջության վրա: Նա նաև կարծում է, որ Ռուսաստանում կանանց կյանքի տեւողությունը հենց այս պատճառով է ավելի երկար, քան տղամարդկանցը:
Բժիշկը նաեւ ավելացրել է, որ արցունքների միջով մարմնից դուրս են բերվում բազմաթիվ տոքսիններ, իսկ այդ ընթացքում օրգանիզմում արտադրվում են հորմոններ, որոնք թույլ են տալիս մարդուն հաղթահարել սթրեսը:
Այնուամենայնիվ, ինչպես կանայք, այնպես էլ տղամարդիկ պետք է շրջապատից մեկուսացած ժամանակ լաց լինեն, որպեսզի չերեւա նրանց «զոհաբերական դիրքը», եզրակացրել է Ֆոմինը:
