Թուրքիայի նախագահ Թայիփ Էրդողանը Ստամբուլում բանակցություններ է վարել Լիբիայի Ազգային համաձայնության կառավարության ղեկավար Ֆայիզ Սարաջի հետ՝ հայտնում է «ՌԻԱ Նովոստին» ՝ վկայակոչելով Թուրքիայի առաջնորդի վարչակազմին:
Բանակցությունների մանրամասները չեն հաղորդվել: Նշվում է, որ Սարաջի այցը Թուրքիա նախապես չի հայտարարվել:
Ավելի վաղ ֆեդմարշալ Խալիֆ Հաֆթարի՝ Լիբիայի ազգային բանակը (LNA) հայտարարել էր, որ գնդակոծել է Լիբիայի հյուսիսում գտնվող թուրքական անօդաչու թռչող սարքը:
Լիբիայում ներկայում զինված բախումներ են տեղի ունենում տարբեր առաջնորդների կողմնակիցների միջև: Երկիրը ղեկավարում են Ազգային համաձայնության կառավարությունը, որը ղեկավարում է վարչապետ Սարաջը, և «Արևելյան կառավարությունը»՝ Աբդուլլահ Աբդուրահման Աթ-Թանիի գլխավորությամբ: Արևելյան կառավարությունը աջակցում է Հաֆթարին: