ԱՄՆ պետքարտուղարությունը կոչ է արել երկրի քաղաքացիներին լինել հնարավորինս զգույշ և զգոն, քանի որ «Ալ-Քաիդայի» առաջնորդ Ուսամա բեն Լադենի սպանությունից հետո այդ խմբավորումը ցանկանում է ահաբեկչական ակտեր իրականացնել Եվրոպայում, Մերձավոր Արևելքում, Աֆրիկայում և Ամերիկայում: Այս մասին հաղորդում է Associated Press գործակալությունը:
Նշվում է, որ հարձակումներ են ակնկալվում այն քաղաքներում, որտեղ առավել շատ զբոսաշրջիկներ կան՝ Լոնդոն, Մադրիդ, Գլազգո և Նյու Յորք: Պետքարտուղարությունը խորհուրդ է տալիս խուսափել մարդկանց մեծ կուտակումներից, տեղաշարժվել առավելապես ոտքով, քանի որ գրոհայինները պատրաստվում են հարձակվել նաև քաղաքային տրանսպորտի վրա: Չի բացառվում, որ Ասիայում և Մերձավոր Արևելքում ամերիկացիների առևանգումներ կլինեն:
Հիշեցնենք, որ անցած շաբաթ The Wall Street Journal-ը զգուշացրել էր, որ նախապատրաստվում են հարձակումներ ամերիկյան դեսպանատների և հյուպատոսարանների վրա: