Միացյալ Նահանգների իշխանությունները գնել են «Ռեմդեսիվիր» դեղամիջոցի աշխարհի պահուստների 90% -ը, որն օգտագործվում է նոր տիպի կորոնավիրուսի բուժման համար: Այս մասին հայտարարել է ԱՄՆ նախագահ Դոնալդ Թրամփը:
«Իմ վարչակազմը ապահովել է «Ռեմդեսիվիր» դեղամիջոցի աշխարհի պահուստների 90% -ի վերահսկողությունը, որը հրաշալի ազդեցություն ունի», – ասել է նա՝ ելույթ ունենալով Սպիտակ տանը:
Ավելի վաղ The Guardian թերթը գրել էր, որ Միացյալ Նահանգները երեք ամիս առաջ ձեռք են բերել դեղամիջոցի գրեթե ամբողջ պահուստը, ինչը նշանակում է, որ մոտ ապագայում ոչ մի պետություն չի կարողանա ձեռք բերել այն զգալի ծավալով:
Ավելի վաղ Միացյալ Նահանգները, Ճապոնիան, Կորեայի Հանրապետությունը, Իսրայելը, Հնդկաստանը և Միացյալ Թագավորությունը հավանություն էին տվել այս դեղամիջոցի օգտագործմանը`կորոնավիրուսով հիվանդների բուժման համար: