Հուլիսի 25-ին, ժամը 01։49-ին Ճգնաժամային կառավարման ազգային կենտրոն ահազանգ է ստացվել, որ Երևանի Տիգրան Մեծի պողոտայում գտնվող «Երևան Սիթի» սուպերմարկետի մոտակայքում տեղի է ունեցել ՃՏՊ, կա արգե¬լա¬փակված քաղաքացի: Այս մասին հայտնում են ԱԻՆ լրատվական ծառայությունից:
Դեպքի վայր է մեկնել ԱԻՆ ՓԾ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Պարզվել է, որ բախվել են «Toyota Camry» (վարորդ՝ Դավիթ Է․, ծնված 1990 թ.), «ՎԱԶ-2115» (վարորդ՝ Պարույր Կ․, ծնված 1992 թ․) և «Lexus» մակնիշների ավտոմեքենաները: «Lexus» մակնիշի ավտոմեքենայից Հրանտ Չ․-ն (ծնված 1980 թ.) և Լևոն Թ․-ն (ծնված 1978 թ.) հոսպիտալացվել են «Էրեբունի» ԲԿ, որտեղ Լևոն Թ․-ն հրա¬ժարվել է բուժօգնությունից, իսկ Հրանտ Չ․-ի առողջական վիճակը բժիշկները գնահատել են բավարար:
