Բելառուսի ղեկավարությունը նախագահական ընտրությունների արշավի ֆոնին արհեստական ապակայունացում թույլ չի տա երկրում, քանի որ դա կարող է հանգեցնել ինքնիշխանության և անկախության կորստի: Այդ մասին հուլիսի 24-ին հայտարարել է հանրապետության արտաքին գործերի նախարարության ղեկավար Վլադիմիր Մակեյը:
«Բելառուսի ղեկավարությունը թույլ չի տա, որ իրադրությունն արհեստականորեն ապակայունանա հասարակության մեջ, երկրում, և դա կհանգցնի պետության ապակայունացման, և ընդհանրապես կարող է հանգեցնել Բելառուսի ինքնիշխանության և անկախության կորստի»,-Մակեյը լրագրողներին հայտարարել է Ռիգայում՝ ամփոփելով Լատվիայի իր պաշտոնակից Էդգար Ռինկևիչի հետ բանակցությունների արդյունքները: Հեռարձակումն իրականացրել է Բելառուսի ԱԳ նախարարությունը Instagram-ի իր օգտահաշվում:
Ներկայում Բելառուսում անցկացվում է նախագահական ընտրաշավ, քվեարկության հիմնական օրը նշանակված է օգոստոսի 9-ին: Բարձրագույն պետական պաշտոնի համար գրանցվել են հինգ թեկնածուներ, երկու հավակնորդների գրանցումը մերժվել է: Գործող նախագահ Ալեքսանդր Լուկաշենկոն իր թեկնածությունն առաջադրում է վեցերորդ ժամկետի համար: Ընտրարշավն ուղեկցվում է ընդդիմադիր քաղաքական գործիչների և ակտիվիստների ձերբակալություններով, ինչպես նաև բողոքի չարտոնված ակցիաներով՝ հաղորդել է ՌԻԱ Նովոստին: