«Քննարկումը նախաձեռնվել էր այն նպատակով, որ դիմորդները դիմել էին բազմաթիվ պատգամավորների։ Պատգամավորները, բնականաբար, դիմել էին մեր հանձնաժողովին, և պատգամավորների պահանջն էր նման քննարկում կազմակերպել։ Նաև դիմորդների պահանջը հաշվի առնելով՝ քննարկում կազմակերպեցինք։ Որպեսզի անկաշկանդ լիներ խոսակցությունը, մամուլի համար բաց չեղավ, բայց բավականին անկաշկանդ խոսակցություն ծավալվեց։ Երկու տարբեր դիսկուրսների շուրջ էր խնդիրը։ Մեկը այն, որ այն ուսանողը, որը ուզում է դառնալ որևէ մասնագետ, իրեն պետք է հնարավորություն տրվի դառնալու իր մասնագետը։ Այսինքն՝ եթե մարդը ուզում է դառնալ պատմաբան, պետք չէ զրկել այդ մարդուն պատմաբան դառնալու իր երազանքից, այլ միջազգային հարաբերությունների ֆակուլտետի դիմորդին չբերեն և զոռով սարքեն պատմաբան» , – «Առաջին լրատվական»-ի հետ զրույցում ասաց «Իմ քայլը» խմբակցության պատգամավոր Հովհաննես Հովհաննիսյանը։
Հիշեցնենք, որ երեկ ԱԺ պատգամավորները դիմորդների բողոքների հետ կապված փակ քննարկում էին կազմակերպել։