ԱՄՆ Պետդեպարտամենտը խոստացել է մինչև 1 միլիոն դոլար վճարել տեղեկությունների համար, որոնք կօգնեն ձերբակալել ուկրաինացի քաղաքացիներ Արտեմ Ռադչենկոյին և Ալեքսանդր Երեմենկոյին: ԱՄՆ իշխանությունները նրանց միանգամից 16 կետով մեղադրանք են առաջադրում՝ ներառյալ արժեթղթերի խարդախությունն ու կիբերհանցագործությունները:
Նշվում է, որ ուկրաինացի հաքերները կոտրել են ԱՄՆ արժեթղթերի և բորսայի հանձնաժողովի էլեկտրոնային տվյալների հավաքման, վերլուծության և հավաքագրման համակարգը (EDGAR)՝ գողանալով հազարավոր գաղտնի ֆայլեր: Գողացված տեղեկատվությունը հետագայում վաճառվել է: