Քիշնևի կենտրոնում ծեծկռտուք է տեղի ունեցել Մոլդովայում բնակվող հայերի և ադրբեջանցիների միջև:
Ըստ «Ինտերֆաքս»-ի՝ մի քանի հարյուր ադրբեջանցիներ Ադրբեջանի և Մոլդովայի դրոշներով երթով շարժվել են Քիշնևի փողոցներով ՝ ի նշան բողոքի հայ-ադրբեջանական սահմանի վերջին սրման ժամանակ Հայաստանի գործողությունների:
Երթի մեկնարկից գրեթե անմիջապես հետո հայ համայնքի մի քանի տասնյակ ներկայացուցիչներ միջամտել են երթին: Նրանք ունեցել են Հայաստանի և Մոլդովայի դրոշները:
Ըստ լրատվամիջոցի՝ ցուցարարների մի խումբ ծեծկռտուք է սկսել՝ կռվի ընթացքում օգտագործելով դրոշների փայտերը։
Հաղորդվում է, որ ոստիկանությունը արագորեն առանձնացրել է ադրբեջանցիներին հայերից: Ոմանց դեմ արցունքաբեր գազ է օգտագործվել: Ոստիկանությունը հեռացրել է հայ համայնքի ներկայացուցիչներին, իսկ ադրբեջանցիներին թույլատրել է ավարտել երթը,որն ուղեկցվել է Մոլդովայում բնակվող ադրբեջանցիների կոնգրեսի հակահայկական բանաձևերի ընթերցմամբ։